Zəfər gününə həsr olunan tədbir
44 günlük Vətən müharibəsi ərzində Azərbaycan 30 ilə yaxın işğal altında olan ərazilərini azad edən xalqımız, bu böyük qələbəni Zəfər Günündə qeyd edir. Bu zəfər ölkəmizdə xüsusi təntənə ilə keçirildiyi kimi, liseydə də geniş şəkildə təşkil olundu. Tədbirdə liseyin rəhbərliyi, müəllimlər və qonaqlar iştirak edirdi. Liseyin III siniflərin iştirakı ilə keçirilən tədbirdə əvvəlcə torpaqlarımızı düşmən tapdağından azad edərkən şəhid olmuş əsgər və zabitlərimizin xatirəsi yad edildi. Şagirdlərin ifasında vətənpərvərlik ruhunda şeirlər, mahnılar, bədii kompozisiyalar, səhnəciklər nümayiş etdirildi.
