Yaşıllaşdırma aksiyası keçirildi
Zəfər günü ərəfəsində “7-dən 17-yə vətənpərvər!” layihəsi çərçivəsində "Çiçəklənən Azərbaycan" devizi altında liseyin həyətində güllər əkilib. 5c sinif şagirdlərinin iştirakı ilə keçirilən aksiyada lisey ərazisindəki yaşıllıqlara aqrotexniki qulluq göstərilib və təmizlik işləri aparılıb. Eyni zamanda əvvəlki illərdə əkilən ağac və gül kollarına qulluq edilib, həyətdə yaşıllaşdırma işləri aparılıb.
Ətraf mühitin qorunmasına kömək etmək, atmosferi oksigenlə zənginləşdirmək, şagirdlərin diqqətini yaşıllıqların qorunmasına yönəltmək məqsədilə keçirilən aksiyada məktəb rəhbərliyi, müəllim və şagird kollektivi iştirak edib.
