Müəllimimizin yubileyi qeyd edildi
27 oktyabr tarixində liseydə riyaziyyat müəllimi Sabir Məmmədovun 65 illik yubileyi münasibətilə tədbir keçirilib. Tədbirdə liseyin kollektivi, Sabir müəllimin şagirdləri, ailə üzvləri iştirak edirdi. Görüşdə Əməkdar müəllim adını şərəflə daşıyan dəyərli pedaqoqun həyat yolundan, müəllim fəaliyyətindən, gənc nəslin tərbiyə olunmasında və Vətənimizə layiqli övlad kimi yetişmələrində misilsiz xidmətlərindən bəhs olundu. Yubilyara həsr olunan videoçarx nümayiş etdirildi.
Göstərilən diqqətə görə, təşəkkürünü ifadə edən Sabir müəllim bundan sonra da zəngin təcrübəsini ölkə təhsilinin inkişafına həsr edəcəyini qeyd edib.
