Eltun Abdullayev
24 iyul 2023-cü il tarixində Sinqapurda keçirilən beynəlxalq riyaziyyat olimpiadasında dünyanın 32 ölkəsindən 1700 nəfər istedadlı şagird mübarizə aparırdı. Vətənimizi bu yarışda təmsil edən 120 nəfərdən biri də liseyimizin 8d sinif şagirdi Eltun Abdullayev idi. Ümidlərimizi doğruldan Eltun vətənə 3 diplom və 2 medalla döndü. Belə ki, ümumilikdə 14 saat gərgin mübarizə şəraitində davam edən, 4 turdan ibarət olimpiadanın fərdi riyaziyyat yarışı kateqoriyasında gümüş medal, komanda heyəti ilə qatıldığı riyazi məntiq yarışında bürünc medal qazandı. Baş ofisdən Bakıya göndərilən qalibiyyət diplomlarını istedadlı şagirdimizə SASMO Azərbaycan şirkətinin direktoru Ədalət Məmmədqasımov təqdim etdi.
Sevincini liseyin direktoru Aygün Əhmədli və müəllimləri ilə bölüşən riyaziyyatçımızla fəxr edir, bütün kollektiv adından daha böyük uğurlara imza atmasını diləyirik!
