Valideyn komitələrinin sədrləri ilə görüş
07 aprel 2023-cü il tarixdə liseydə valideyn komitələrinin sədrləri ilə görüş keçirildi. İclası çıxış sözü ilə liseyin direktoru Aygün Əhmədli açdı. Tədbirdə uşaqların tərbiyəsində vahid tələbləri müəyyən etmək və görülən işlərin səmərəliliyini artırmaq məqsədilə ailənin, məktəbin və ictimaiyyətin əlaqələrinin möhkəmləndirməsi istiqamətində valideynlərin təklif və iradları dinlənildi. Valideynlər məktəbdə şagirdlərin daxili nizam - intizam qaydaları ilə, görülən yeni işlərlə yaxından tanış oldu. Nazirlər Kabineti tərəfindən təklif olunan məktəbli formalarının seçimi ilə bağlı məsələlər də valideynlərlə müzakirə edilərək, növbəti dərs ilində tətbiq ediləcək məktəbli forması qəbul edildi. Eyni zamanda liseydə şagirdlərin təhlükəsizliyinin təmin edilməsi ilə bağlı məsələlər də müzakirəsi edildi.
