31 Mart – Azərbaycanlıların Soyqırımı Gününə həsr edilmişdərslər keçirildi
![](https://bakimektebleri.edu.az/uploads/news_gallery/16802553476426a973288ca7.15649427.jpeg)
Martın 31-də liseyin bütün siniflərində birinci dərslər 31 Mart Azərbaycanlıların Soyqırımı Gününə həsr olundu. Liseyin Azərbaycan dili və ədəbiyyat müəllimi Sahilə Bilalovanın 5c sinfində keçdiyi dərs də yadda qalan dərslərdən biri oldu. Əvvəlcə soyqırım qurbanlarının və şəhidlərin xatirəsi bir dəqiqəlik sükutla yad edildi. Sahilə müəllimənin çıxışından sonra dərsə dəvət olunan liseyin hərbi rəhbəri İbrahim Rüstəmov çıxış etdi. Müəllimlər 31 Mart Azərbaycanlıların Soyqırımı Günü haqqında şagirdlərə məlumat verdi, videoçarx nümayiş etdirdi və şagirdləri tariximizi dərindən öyrənməyə, soyqırım qurbanlarını unutmamağa çağırdılar. Şagirdlərin ifasında şeirlər səsləndirildi.