Rəsm sərgisi
Liseydə istedadlı şagirdləri aşkar etmək və onları tanıtmaq məqsədilə mütəmadi olaraq işlər aparılır. Bunlardan biri də 27 mart tarixində təşkil olunan rəsm sərgisi oldu. Liseyin UBR rəhbəri Təranə İsmayılovanın təşkilatçılığı ilə keçirilən sərgidə müxtəlif yaş qruplarından olan şagirdlərin əl işləri nümayiş etdirildi. Sərgidə tarixi şəxsiyyətləri, təbiət mənzərələrini, cizgi filmlərinin qəhrəmanlarını əks etdirən bir sıra maraqlı rəsmlər və əl işləri yer alırdı. Liseyin direktoru Aygün Əhmədli də sərgidə iştirak etdi, istedadlı şagirdlərin əl işləri ilə yaxından tanış oldu.
