Heydər Əliyevin anım günü qeyd edildi
...Bu dahi insan Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi qalmışdır. Xalqımızın tarixi taleyində, mənəvi, siyasi və ictimai həyatında, dövlət quruculuğunda onun qədər misilsiz xidmətlər göstərən ikinci dövlət adamı tapmaq mümkün deyildir. Bu mənada o, xalqımızın milli iftixarı, ürəklərimizdə özünə yer tapan milli liderimiz, güvənc yerimiz, qürur duyduğumuz və arxa bildiyimiz böyük Azərbaycanlı idi...Bu sözlər Heydər Əliyevin anım günü ilə bağlı liseyimizdə təşkil edilmiş dəyirmi masada söyləndi. Tədbirdə iştirak edən liseyin tarix müəllimləri, rəhbərlik nümayəndələri və yuxarı sinif şagirdləri ümummilli liderin həyat yolundan, xalqımız və dövlətçiliyimiz üçün etdiyi müstəsna xidmətlərdən danışdılar.
