Şagirdlərimiz 8-ci Bakı Beynəlxalq Kitab Sərgisində
Zəkalar liseyinin bir qrup şagirdi oktyabr ayının 7-də Bakı Ekspo Mərkəzində keçirilən 8-ci Bakı Beynəlxalq Kitab Sərgisində iştirak edib. Sərgidə Azərbaycan nəşriyyatlarının mütxəlif janrlarda çap etdiyi çoxçeşidli kitablar təqdim olunub və xüsusi endirimlər, o cümlədən hədiyyələrlə satışa çıxarılıb. Liseyin “Kitabçı Düşərgəsi” üzvlərinin də iştirak etdiyi sərgidə uşaqlar 30-dan çox yerli və xarici müəlliflərin yaradıcılıq məhsullarını əldə edib və tədbirdən ən xoş təəssüratlarla ayrılıblar. 8-ci Bakı Beynəlxalq Kitab Sərgisi Zəkalar liseyinin yeniyetmələri üçün əsl bayram təntənəsi ilə yadda qalıb.
