Liseyin şagirdləri peşə məktəbində qonaq oldu
Liseyin 9k sinif şagirdləri liseyin UBR Təranə İsmayılovanın rəhbərliyi altında 28 aprel tarixində Turizm və Sosial Xidmətlər üzrə Bakı Dövlət Peşə Təhsil Mərkəzində təşkil olunan “Açıq Qapı” tədbirində iştirak etdi. “Açıq qapı” günlərinin məqsədi peşə təhsil müəssisələri haqqında məlumatlılıq səviyyəsini artırmağa, eləcə də gənclər üçün müvafiq təhsil seçimlərindən biri kimi peşə təhsilinin uğurlu təqdimatına kömək etməkdir. Şagirdlər açıq havada dərzi, manikür, aşpaz, barmen, şirniyyatçı, vizaj, bərbər ixtisasında təhsil alan tələbələrin əl işlərindən ibarət təşkil olunmuş sərgilərə baxış keçirib, müxtəlif ixtisaslar üzrə nümayiş olunan ustad dərslərini izləyiblər. Mərkəzin tədris emalatxanalarında tədris prosesinin gedişini izləyərək mövcud avadanlıq və xidmətlərə tanış olublar.
