"Şuşa ilinə" həsr olunan intellektual riyaziyyat yarışı keçirildi
23.04.2022 tarixində 287 nömrəli Zəkalar liseyində növbəti Zəka intellektual riyaziyyat yarışı keçirildi. Yarış "Şuşa ilinə" həsr edilmişdi. Liseyin riyaziyyat müəllimi Hüseyn Vəliyevin rəhbərliyi və liseyin kollektivindən N.Aynur, İ.Nigar, direktor müavinləri Y.Lalə, Ş,Aysel, UBR İ.Təranənin təşkilatçılığı ilə keçirilən tədbirdə ənənəvi olaraq dövlət himni səsləndi. Liseyin direktoru Aygün Əhmədli tədbir iştirakçılarını salamlayaq, bu cür yarışların şagirdlərin öz bilik səviyyəsini yoxlaması və sağlam rəqabət mühitinin yaradılması məqsədini daşıdığını bir daha vurğuladı. Tədbirdə liseyin rəhbərliyi, qonaqlar iştirak edirdi. Liseyin istedadlı şagirdlərindən təşkil olunan çalğı alətləri ansamblının ifasında popuri ifa edildikdən sonra yarış başlandı.
Bu dəfəki yarışda Zəkalar liseyinin, Pişəvəri adına gimnaziyanın, Kimya-biologiya liseyinin, Ekologiya liseyinin, Humanitar liseyin VIII sinif şagirdləri iştirak edirdilər. Qızğın rəqabət şəraitində davam edən oyun çox maraqlı keçdi. I yeri Zəkalar liseyinin, II yeri Kİmya-biologiya liseyinin, III yeri isə Ekologiya liseyin komandası tutdu. Qaliblər fəxri fərman və qiymətli hədiyyələrlə mükafatlandırıldılar.