Liseyimizin dəyərli şagirdlərindən
Təhsildə göstərdiyi keyfiyyət nəticələrinə görə respublikanın ümumtəhsil müəssisələri arasında daim ön sıralarda olan 287 nömrəli Zəkalar liseyinin uğurları həm liseyin rəhbərliyinin, həm də pedaqoji kollektivin fəaliyyətinin nəticəsidir. Düzgün qurulan pedaqoji strategiya liseydən məzun olan və ya hal-hazırda orada təhsil alan bir-birindən istedadlı şagirdlərin müxtəlif yarışlarda mütəmadi uğurlar qazanmasına səbəb olur. A.Eynşteynin "Uğur=İstedad+Şərait+Zəhmət" düsturunun real işlədiyi lisey mühitində yetişən bir-birindən dəyərli şagirdləri zaman-zaman sizlərə təqdim edirik.
Bu dəfə diqqətinizə çatdırmaq istədiklərimiz liseyin 11k sinif şagirdləri Tağıyeva Nilufər və İskəndər Muraddır. Liseyin intellektual oyunlar komandasının üzvləri olan əlaçı şagirdlərimiz dəfələrlə müxtəlif yarışlarda iştirak etmiş, həm şəxsi hesabda həm də komanda üzvü olaraq bir çox kubokun, medal və diplomun sahibi olmuşlar.
İstedadlı şagirdlərimizin iştirak etdikləri oyunlardan yığılmış fraqmentləri sizə təqdim edirik.