"2 Fevral - Gənclər gününə" həsr edilmiş "Zəka" bilik yarışı keçirildi
29.01.2022 tarixində 287 nömrəli Zəkalar liseyində növbəti Zəka intellektual riyaziyyat yarışı keçirildi. Yarış "2 Fevral - Gənclər gününə" həsr edilmişdi. Liseyin riyaziyyat müəllimi Hüseyn Vəliyevin rəhbərliyi və liseyin kollektivindən N.Aynur, İ.Nigar, M.Sabir müəllim, direktor müavinləri Y.Lalə, Ş,Aysel, UBR İ.Təranənin təşkilatçılığı ilə keçirilən tədbir ənənəvi olaraq dövlət himninin səslənəsi ilə başladı. Tədbirdə liseyin rəhbərliyi, qonaqlar iştirak edirdi.
Bu dəfəki yarışda Zəkalar liseyinin, H.Əliyev adına liseyin, Elitar gimnaziyanın, Ekologiya liseyinin, Avropa liseyinin 6 nömrəli məktəbin VI sinif şagirdləri iştirak edirdilər. Qızğın rəqabət şəraitində davam edən oyun çox maraqlı keçdi. Qalib komandalar bir- birindən minimal xalla fərqləndilər. I yeri 1050 xalla Ekologiya liseyinin, II yeri 950 Zəkalar lsieyinin, III yeri isə Elitar gimnaziyanın komandası tutdu. Qaliblər fəxri fərman və qiymətli hədiyyələrlə mükafatlandırıldılar.
