20 Yanvar faciəsinə həsr edilən dərslər keçildi
18 və 19 yanvar 2022-ci il tarixlərində 287 nömrəli Zəkalar liseyində Yanvar faciəsinə həsr olunan nümunəvi dərslər keçirildi. Keçirilən dərslərdə şagirdlərə 1990-cı il yanvar faciəsinə aparan yoldan, azərbaycanlıların Ermənistandakı tarixi torpaqlarından növbəti kütləvi deportasiyasından, Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən danışıldı. Artan xətt üzrə davam edən gərginliyin qarşısını almaq əvəzinə, Sovet rəhbərliyinin Azərbaycan xalqına qarşı dəhşətli cinayət işlətdiyi qeyd edildi. Qəhraman xalqın azadlıq mübarizəsinin tarixi faktlarını əks etdirən videolar izləndi.