20 Yanvar şəhidlərinin xatirəsinə həsr olunan "Zəka" yarışı
15.01.2022 tarixində 287 nömrəli Zəkalar liseyində növbəti Zəka intellektual riyaziyyat yarışı keçirildi. Liseyin riyaziyyat müəllimi Hüseyn Vəliyevin təşkilatçılığı ilə keçirilən ənənəvi yarış 20 Yanvar şəhidlərinin xatirəsinə həsr edilmişdi. Ənənəvi olaraq dövlət himninin səslənəsi ilə başlayan tədbirin əvvəlində şəhidlərin xatirəsinə həsr olunan kiçik bədii hissə keçirildi. VII sinif şagirdlərinin ifasında mahnılar ifa edildi. Daha sonra yarışın əsas hissəsinə keçildi. Tədbirdə liseyin rəhbərliyi, qonaqlar iştirak edirdi. Budəfəki yarışın iştirakçıları VIII sinif şagirdləri idi. Qızğın rəqabət şəraitində davam edən oyun çox maraqlı keçdi. Qalib komandalar bir- birindən minimal xalla fərqləndilər. I yeri 1250 xalla 8a sinifinin, II yeri 1200 xalla 8c sinifinin, III yeri isə 8b sinifinin komandası tutdu. Qaliblər fəxri fərman və qiymətli hədiyyələrlə mükafatlandırıldılar.
