Dünya Azərbaycanlılarının həmrəylik gününə həsr olunan "Zəka" yarışı
25.12.2021 tarixində 287 nömrəli Zəkalar liseyində növbəti Zəka intellektual riyaziyyat yarışı keçirildi. Liseyin riyaziyyat müəllimi Hüseyn Vəliyevin təşkilatçılığı ilə keçirilən ənənəvi yarış Dünya Azərbaycanlılarının həmrəylik gününə həsr edilmişdi. Xətai rayonunda yerləşən 287, 95, 245, 17, 261, 86 nömrəli məktəblərin komandalarının iştirak etdiyi tədbir Azərbaycan Respublikasının Dövlət himni ilə başladı. Tədbirdə liseyin rəhbərliyi, qonaqlar iştirak edirdi. Budəfəki yarışın iştirakçıları VI sinif şagirdləri idi. Qızğın rəqabət şəraitində davam edən oyunun sonunda I yeri 1550 xalla Zəkalar liseyinin, II yeri 875 xalla 245 nömrəli məktəbin, III yeri isə 500 xalla 95 nömrəli məktəbin komandası tutdu. Qaliblər fəxri fərman və qiymətli hədiyyələrlə mükafatlandırıldılar.
