"Aşıq Ələsgər və Azərbaycan folkloru" mövzusunda müsabiqə keçirildi
Liseyin tədbirlər planına əsasən "Aşıq Ələsgər və Azərbaycan folkloru" mövzusunda yaradıcılıq müsabiqəsinə Zəkalar liseyində də geniş şəkildə hazırlıq görülmüş və 23.10.2021 tarixində müsabiqə keçirilmişdir. Müsabiqəyə liseyin VII-X sinif şagirdləri qatılmışdır. Şeir, mahnı və yaradıcı iş olmaqla 3 nominasiya üzrə keçirilən müsabiqədə Aşıq Ələsgərin kötükcələri liseyin 9d şagirdi Ələsgərli Təhminə Nəsimi qızı, 7d sinif şagirdi Ələsgərli İslam Nəsimi oğlu da öz təqdimatları ilə iştirak etdilər . (Qeyd edək ki, aşığın kötükcələri olan Ələsgərli Taclı, Ələsgərli Yasəmən və Ələsgərli Şəhriyar da liseyin məzunlarıdır.)
Müsabiqədə Aşıq Ələsgərin nəticəsi olan liseyimizin ibtidai sinif müəllimi Salahova Səadət Arif qızı da öz kitabxanasından A.Ələsgər yaradıcılığı ilə bağlı olan kitab nüsxələri ilə iştirakçıları tanış etmiş , onun həyat və yaradıcılığına dair bir çox maraqlı məlumatlar vermişdir. Sonda müsabiqənin münsiflər heyəti liseyin Azərbaycan dili və ədəbiyyat müəllimləri Bilalova Sahilə və isgənərova Günay elm xadimlərimizin araşdırmalardan çıxan nəticələrdən danışaraq ədəbiyyatımızda Aşıq Ələsgərə qədər və ondan sonra olmayan bir çox ədəbi janrların daxil edildiyini bildirdilər. Türk dünyası ədəbiyyatında heca vəzninin A.Ələsgərin adı ilə bağlı olduğunu diqqətə çəkərək bir çox janrlardan nümunə söylədilər. Zəkalar liseyində keçirilən müsabiqədə Azərbaycan ədəbiyyatını, aşıq poeziyasının zirvələrə yüksəldərək "Dədə Ələsgər" adını qazanan el sənətkarına həsr olunmuş müsabiqədə şeirlər, ifa olunan mahnılar, təqdimatlar dinlənmiş, rəsm işləri ilə tanış olundu. Hər nominasiya üzrə qaliblər elan edildi.
