“Biz səninləyik” layihəsinin təqdimat mərasimi keçirildi
287 nömrəli Zəkalar liseyində Təhsildə inkişaf və innovasiyalar üzrə V qrand müsabiqəndə fərdi kateqoriyada qalib olmuş “Biz səninləyik” layihəsinin təqdimat mərasimi keçirildi. Liseyin direktor müavini Leyla Məcidovanın müəllifi olduğu layihə 11-15 yaşlı şagirdlər arasında psixoloji problemlərin çoxyönümlü həllinin tapılması məqsədi daşıyır. “Sağlam psixoloji mühit- xoşbəxt uşaqlar” şüarıyla həyat tapacaq layihənin səmərəliliyi əminlik doğurur. Onlayn təqdimatda liseyin direktoru Aygün Əhmədli, liseyin kollektivi, təhsil eksperti Ramil Süleymanov, Xətai rayon məktəblərinin psixoloqları iştirak edirdilər. Tədbirdə çıxış edənlər layihənin vacibliyini xüsusi qeyd etdilər.
