Qrand müsabiqəsinin qalibi olan layihənin təqdimat mərasimi keçirildi
287 nömrəli Zəkalar liseyində Təhsildə inkişaf və innovasiyalar üzrə V qrand müsabiqənin qalibi olmuş "Aerokosmik mühəndislik- Pilotsuz uçan aparatlar Mərkəzi" layihəsinin təqdimat mərasimi oldu. Tədbirdə liseyin rəhbərliyi, layihənin təlimçiləri, qonaqlar, şagird və valideynlər iştirak edirdi. Tədbiri çıxış sözü ilə layihənin rəhbəri, liseyin direktoru Aygün Əhmədli açıq elan etdi. O, çıxış edərək texnologiyanın sürətlə inkişaf etdiyi bir zamanda layihənin vacibliyi və gələcək nəsillər üçün gətirəcəyi töhvələri xüsusilə qeyd etdi. Daha sonra layihədə təlimlər keçəcək mütəxəsislərə və ekspertlərə söz verildi. Müdafiə Nazirliyinin aviamühəhdisi, təlimçi Mikayıl Əsgərov və digər qonaqlar layihə haqqında məlumatları tədbir iştirakçılarının diqqətinə çatdırdılar. Demokratik Gənclər Birliyinin direktoru, İKT-nin Təhsildə Tətbiqi üzrə layihələrin baş mütəxəsisi Ramil Süleymanov da tədbirdə çıxış etdi. Şagirdlərin sualları cavablandırıldı. Layihə şagird və valideynlər tərəfindən böyük maraqla qarşılandı.