Yeni dərs ilinə start verildi
Sentyabrın 22-si bütün respublikada olduğu kimi 287 nömrəli Zəkalar liseyində də I-IV siniflər üzrə yeni dərs ilinə start verildi. İbtidai siniflərin, xüsusilə də birincilərin sevincinin həddi-hüdudu yox idi. Uzun fasilədən sonra doğma təhsil ocağına qayıdan məktəbliləri qarşılamaq üçün qısa bir salamlama tədbiri təşkil edilmişdi. Dövlət himni ilə başlayan tədbirdə çıxış üçün söz liseyin direktoru Aygün Əhmədliyə verildi. Liseyin rəhbəri 2020-2021-ci tədris ilinin yekunları, tələbə adı qazanan məzunlarımızın imtahanlarda göstərdiyi yüksək nəticələri valideynlərə böyük qürurla çatdırdı. Yeni dərs ilində bütün şagirdlərə və liseyin kollektivinə uğurlar və müvəffəqiyyətlər arzu etdi.