Liseyimiz V qrant müsabiqəsində iki kateqoriya üzrə qalib oldu
Təhsil Nazirliyi tərəfindən həyata keçirilən “Təhsildə inkişaf və innovasiyalar üzrə V qrant müsabiqəsi”nin nəticələri açıqlandı. 287 nömrəli Zəkalar liseyi həm Ümumi təhsil kateqoriyasında, həm də fərdi kateqoriyada qalibiyyət qazandı. Belə ki, təhsildə inkişaf və innovasiyalar üzrə V qrant müsabiqəsi çərçivəsində Ümumi təhsil kateqoriyası üzrə həyata keçiriləcək layihələr içərisində Xətai rayonu 287 nömrəli 'Zəkalar' liseyində "Aerokosmik mühəndislik - Pilotsuz uçan aparatlar Mərkəzi“ layihəsi tətbiq ediləcək. Lahiyənin müəllifi liseyin direktoru Aygün Əhmədlidir.
Fərdi kateqoriyada liseyin təlim-tərbiyə işləri üzrə direktor müavini Leyla Məcidova “Biz səninləyik! - Təhsilalanlara psixoloji dəstəyin göstərilməsi” layihəsi ilə qalib oldu.
Hər iki qalibi təbrik edir, layihələrin reallaşması yolunda uğurlar arzulayırıq. Hər iki layihə üzrə Azərbaycan təhsilinə böyük töhfə verəcəyimizdən əminik!
