7 yaşlı şahmatçımızın böyük uğurları
Bakı şəhəri 287 nömrəli Zəkalar liseyinin 1 d sinfində oxuyan Nəzirli Fikrət İbrahim oğlu şahmat üzrə dərəcə və yer uğrunda mübarizədə uğur qazanaraq bizləri sevindirdi. Belə ki, Fikrət hələ 5 yaşında olarkən 16 yaşa qədər uşaqlarla mübarizə apararaq ilk şahmat dərəcəsini almış(IV dərəcə) və 9 oyundan 8 mat,1 patla l yerin sahibi olaraq hamını heyrətləndirməyi bacarmışdı. Bu il də 7 yaşlı Fikrət şahmat üzrə 3-cü dərəcə uğrunda gedən təsnifat yarışında mübarizə aparmış və uğur qazanmışdır. Bu dəfə Fikrət 3-cü dərəcəni almaqla yanaşı 3-cü yerin də sahibi olmuşdur. III yerin sahibi olan Fikrətlə bərabər yenə də qaliblər kürsüsünün digər sahibləri 14-15 yaşlılar oldu. 3-cü dərəcə uğrunda şahmat təsnifatında Fikrət iştirakçılar arasında ən az yaşlı olaraq uğur qazanmağı bacarmışdır. Fikrəti təbrik edir, ona gələcəkdə uğurlar arzulayırıq!
