Heydər Əliyevin anadan olmasının 98-ci ildönümü ilə əlaqədar tədbir keçirildi
10.05.2021-ci il tarixində 287 nömrəli Zəkalar liseyində müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin anadan olmasının 98-ci ildönümü ilə əlaqədar Ulu öndərin zəngin siyasi irsinin, şərəfli həyat və fəaliyyətinin gənc nəsil tərəfindən öyrənilməsi işini daha da gücləndirmək məqsədi ilə onlayn tədbir keçirildi. Liseyin Azərbaycan dili və ədəbiyyat müəllimləri tərəfindən təşkil edilən tədbirdə liseyin direktoru Aygün Əhmədli və direktor müavinləri iştirak edirdi. Tədbirin rəsmi hissəsindən sonra şagirdlərin ifasında ulu öndərə həsr edilmiş şeirlər, mahnılar səsləndirildi. Şagirdlərin hazırladığı təqdimatlar təqdim edildi.
