Xocalı soyqırımının iyirmi doqquzuncu ildönümü
26 fevral 2021 tarixində liseyin bütün siniflərində ilk dərslər Xocalı soyqırımının iyirmi doqquzuncu ildönümünə həsr edilib. "Xocalı soyqırımının iyirmi doqquzuncu ildönümünün keçirilməsi ilə əlaqədar Bakı Şəhəri üzrə Təhsil İdarəsinin Tədbirlər Planı”na əsasən tədris olunan ənənəvi və onlayn dərslər Xocalı qurbanlarının xatirəsini yad etmək, böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat vermək, məktəblilərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək məqsədlərinə xidmət edir.
Bundan başqa təşkilati işlər üzrə direktor müavini Səidə Rəhimovanın təşkilatçılığı ilə "Xocalını hadisələrini unutmuruq, unutdurmuruq" adlı onlayn tədbir keçirildi. Tədbirdə Xocalı hadisərini əks etdirən video materiallar izləndi, soyqırım qurbanlarının xatirəsinə şeirlər, mahnılar və bayatılar səsləndirildi. Şagirdlər soyqırım qurbanlarına həsr etdikləri rəsm əsərlərini təqdim etdilər. Sonda Azərbaycan Respublikasının prezidenti İlham Əliyevin işğaldan azad olunan torpaqlara geri dönmək və ana yurdu yenidən çiçəkləndirmək üçün yürütdüyü uğurlu siyasi addımlar haqda məlumat verildi. Tədbir ümid və arzu dolu notlarla yekunlaşdı.
