Buraxılış imtahlarına hazırlıq səviyyəsinin yoxlanılması
21 yanvar 2021 tarixində 287 nömrəli Zəkalar liseyində buraxılış imtahanına şagirdlərin hazırlığını yoxlamaq məqsədilə onlayn qiymətləndirmənin ilk etapı keçirildi. Əvvəlcədən planlaşdırdığı üzrə ilk olaraq 9-cu sinif şagirdləri riyaziyyat fənni üzrə sınaq imtahanına qoşuldular. İmtahanın təşkilati üzrə məsul olan təlim tərbiyə işləri üzrə direktor müavini Aygün Məmmədovanın rəhbərliyi ilə 9a, 9b, 9c, 9d, 9e, 9k siniflərinin hər biri A və B qruplarına bölündü. Qruplara nəzarətçilər təyin edildi. Şagirdlər 45-60 dəqiqə ərzində riyaziyyatdan açıq və qapalı sualları cavablandırdılar. Növbəti etaplarda digər fənlər üzrə də buraxılış siniflərinin yoxlanması davam etdiriləcək.
