Fibonacci intellektual yarışı”nın II mövsümündə finala vəsiqə qazandıq
Azərbaycan Respublikası Təhsil Nazirliyi, Educon və Fonacci kompaniyalarının təşkilatçılığı ilə “Ümummilli lider Heydər Əliyevin xatirəsinə həsr olunmuş məktəblilərarası Fibonacci intellektual yarışı”nın II mövsüm oyunları davam edir. 08.02.2020 tarixində yarışmanın VIII oyunu keçirildi. 287 nömrəli Zəkalar liseyinin komandası yarışda yenə də maraqlı oyun nümayiş etdirdi. Qeyd edək ki, komandanın üzvlərindən biri yarışın ən kiçik yaşlı oyunçusu olan IV sinif şagirdi İskəndərov Fərhaddır. Komanda özünə ən yaxın komandadan ciddi xal fərqi ilə birinci yerin sahibi oldu. Beləliklə, liseyin komandası 8 oyunun yekunu olaraq 274 xalla finala vəsiqə qazandı.
