Əyləncəli riyaziyyat dərsi
287 nömrəli Zəkalar liseyinin ibtiai sinif müəllimi Reyhan Hacinskayanın 1a sinifində növbəti maraqlı dərsi keçdi. Riyaziyyat dərsində birincilər kütlənin ölçülməsini əyləncəli üsullarla öyrəndilər. Pedaqoq qeyd etdi ki, mövzulara maraq yaratmaq üçün əyləncəli elementlərdən istifadə etmək gözəl nəticə verir. Elə etmək lazımdır ki, dərsdə istifadə edilən əyləncə elementləri şagirdlərin təfəkkür fəaliyyətini stimullaşdırsın, onları düşünməyə, yaradıcılığa, tədqiqata sövq etsin. Yəni şagird dərsdə nəyi isə özü öyrənsin. Bu yolla qazanılan bilikləri şagirdlər heç bir zaman unutmur və yerində tətbiq etməyi bacarırlar.
