Zəka oyunlarının növbəti turu
287 nömrəli Zəkalar liseyində mütəmadi olaraq liseyin qurucusu, "Əməkdar müəllim", görkəmli riyaziyyat müəllimi Rafil İmanovun xatirəsinə həsr olunmuş intellektual yarışlar keçirilir. Bu yarışlardan biri məhz Rafil İmanovun 70 illik yubileyi ərəfəsində təşkil edildi. Liseyin riyaziyyat müəllimi Hüseyn Vəliyev Rafil İmanovun ənənəvi təşkil etdiyi bilik yarışının formatının dəyişdirərək "Zəka" intellektual oyunu təşkil edib. Bu yarış paralel siniflər arasında məntiq və riyaziyyat suallarından ibarət "Breyn rinq" formatındadır. Növbəti oyun 08.12.2019 tarixində keçirildi. Həftəaşırı keçirilən oyunların bu turunda IX sinif şagirdləri yarışdı. Tədbiri H.Vəliyevin məzun olmuş şagirdləri maaliyyələşdirdilər. Tədbirin təşkili və idarə olunmasında liseyin heyətindən Yusifova Lalə, Rüstəmov İbrahim, Mənsimova Validə, İsmayılova Təranə, İbrahimova Nigar və 8k sinif şagirdi Musayev Piri fəal iştirak etdi.
Yarışın yekununda 9c sinifi I yerin, 9a sinifi II yerin, 9e və 9k sinifləri isə III yerin sahibləri oldular. Qaliblər fəxri fərmanlarla mükafatlandırıldı. Qalib komandanın üzvləri 10.12.2019 tarixində liseyin direktoru Aygün Əhmədli ilə görüşdülər.