Beynəlxalq yarış – Qızıl Medal
Azərbaycan Muay – Tay Federasiyası aprelin 30 – da Türkiyənin İstanbul şəhərində təşkil olunmuş beynəlxalq “Oğuz Döyüş Guşəsi” yarışında iştirak etmişdir. Yarışda ölkəni 13 idmançı (11 nəfər idmançı, 2 nəfər məşqçi) təmsil etmişdir.
Məktəbin 5b sinif şagirdi Şamilov Fateh Elxan oğlu yarışda uğurlu çıxış edərək qızıl medala layiq görülmüşdür. Məktəb rəhbərliyi, müəllimlər, sinif yoldaşları məktəbin medal qazanan şagirdini alqışlarla qarşıladılar. Fateh əldə etdiyi qələbə üçün əzmlə, inamla çalışdığını və bu zəhmətin nəticəsinin qürurverici hiss olduğunu söylədi.
Məktəbin qalib şagirdini təbrik edir, hər zaman qaliblər sırasında olmasını arzu edirik!
