“Zəfər dastanı” adlı inşa müsabiqəsi
Azərbaycan Respublikası Elm və Təhsil Nazirliyi, Bakı Şəhəri üzrə Təhsil İdarəsinin 08.09.2021 – ci il tarixli F – 191 nömrəli əmrinə əlavənin icrasını təmin etmək məqsədilə “27 Sentyabr Anım Günü” və “8 Noyabr Zəfər Günü” ilə bağlı müvafiq Tədbirlər Planı hazırlanmışdır.
Tədbirlər Planına müvafiq olaraq oktyabrın 17 – də məktəb rəhbərliyinin, Azərbaycan dili və ədəbiyyat müəllimlərinin təşkilatçılığı ilə VIII – IX sinif şagirdləri arasında “Zəfər dastanı” adlı inşa müsabiqəsi keçirilmişdir. Müsabiqənin keçirilməsində məqsəd İkinci Qarabağ döyüşlərində qəhrəmanlıq göstərmiş vətən oğullarının tanıdılması, böyüməkdə olan gənc nəslin doğma vətənə sevgi, məhəbbət hisslərinin aşılanması, onlar arasında milli vətənpərvərlik ruhunun təbliğ olunması olmuşdur.
Şagirdlər tərəfindən yazılmış inşalar məktəb rəhbərliyi tərəfindən müəyyən edilmiş məsul şəxslərə təqdim olundu.
