FHN – nin yeganə qazisi ilə görüş
Fevralın 2 – də məktəbdə “Gənclər Günü” münasibətilə tədbir keçirildi. Tədbirdə FHN – nin yeganə qazisi mayor Süleyman Vaqif oğlu Heydərov, FHN – nin Xüsusi Riskli Xilasetmə Xidmətinin əməkdaşı Bəhruz Nəsirli, Binəqədi rayon Gənclər və İdman idarəsinin aparıcı məsləhətçisi Səadət Quliyeva, məktəb kollektivi və şagirdlər iştirak etdilər.
Məktəbin direktoru Sevinc Musayeva tədbiri açıq elan etdikdən sonra qazi mayor Süleyman Heydərovla bağlı videoçarx təqdim olundu. Mayor Süleyman Heydərovun gənclərə aşıladığı vətənpərvərlik ideyaları, bəhs etdiyi xidməti yol və tövsiyələri məktəb kollektivində dərin ehtirama və marağa səbəb oldu. Daha sonra şagirdlərin qaziyə yönəlmiş sualları cavablandırıldı. Binəqədi rayon Gənclər və İdman idarəsinin aparıcı məsləhətçisi Səadət Quliyeva da gəncləri təbrik edərək unudulmaz və qürurverici bir gün keçirdiyini bildirdi.
Qazi mayor Süleyman Heydərov Azərbaycan Respublikasının Təhsil İşçiləri Azad Həmkarlar İttifaqı Binəqədi Rayon Komitəsi tərəfindən təltif olunmuş Fəxri Fərman və hədiyyələri məktəbin gənc müəllim və texniki işçilərininə təqdim etdi.
Sonda xatirə şəkilləri çəkildi.
