Ümumməktəb valideyn iclası – VII, VIII siniflər
Məktəbdə VII – VIII sinif şagirdlərinin valideynlərinin məktəbin rəhbərliyi ilə görüşlərinə davam edir. Bununla bağlı olaraq fevralın 14 – də VII sinif, fevralın 15 – də isə VIII sinif şagirdlərinin valideynləri ilə görüş keçirildi. Görüşdə məktəb rəhbərliyi tədris ili ərzində şagirdlərin təlim və tərbiyəsi ilə bağlı valideynlərə məlumat verdilər.
Sonra məktəbin psixoloqu Ülkər Feyziyeva “Şagirdə necə dəstək olmalı” mövzusunda yeniyetməlik yaş dövründə şagird ilə necə ünsiyyət qurmaq lazımdır, şagirdin bu yaş dövründə xarakteristikası necə olur, aqressiv davranış ilə necə mübarizə aparmaq olar, akademik göstəricilərin yüksək olması üçün necə istiqamətləndirmək lazımdır, xüsusilə bu yaş dövründə suisid meyllərini valideyn necə tez müəyyən edə bilər və s. mövzularda valideynlərə məlumat verdi.Bundan başqa məktəb rəhbərliyi təlim prosesində şagirdin vəzifə borclarını bir daha valideynlərə bildirdi. Görüşdə iştirak edən sinif rəhbərləri də şagirdlərin tədris ili müddətində diqqət verməli olduqları nüanslar barədə valideynləri məlumatlandırdılar.
Sonda valideynləri maraqlandıran suallar cavablandırıldı.
