Ümumməktəb valideyn iclası – V, VI siniflər
Fevralın 10 – da məktəbdə V – XI sinif şagirdlərin valideynlərinin məktəbin rəhbərliyi ilə görüşlərinə start verildi. Bununla bağlı ilk olaraq fevralın 10 – da V sinif, fevralın 11 – də isə VI sinif şagirdlərinin valideynləri ilə görüş keçirildi. Görüşdə məktəb rəhbərliyi tədris ili ərzində şagirdlərin təlim və tərbiyəsi ilə bağlı valideynlərə məlumat verdilər.
Sonra məktəbin psixoloqu Ülkər Feyziyeva “Şagirdə necə dəstək olmalı” mövzusunda ilkin yeniyetməlik yaş dövründə şagird ilə necə ünsiyyət qurmaq lazımdır, şagirdin bu yaş dövründə xarakteristikası necə olur, aqressiv davranış ilə necə mübarizə aparmaq olar, akademik göstəricilərin yüksək olması üçün necə istiqamətləndirmək lazımdır və s. mövzularda hazırladığı maarifləndirici təqdimat valideynlər tərəfindən maraqla qarşılandı.
Daha sonra məktəb rəhbərliyi təlim prosesində şagirdin vəzifə borclarını bir daha valideynlərə bildirdi. Görüşdə V, VI siniflərin sinif rəhbərləri də iştirak etdilər və şagirdlərin tədris ili müddətində diqqət verməli olduqları nüanslar barədə valideynləri məlumatlandırdılar.
Sonda valideynləri maraqlandıran suallar cavablandırıldı.
