Azərbaycan idmançılarının qazandıqları qələbələr
"Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” Təhsil Nazirliyinin 2019-cu il üçün Fəaliyyət Planı əsasında hazırlanmış birgə İş Planının 2.1.7.-ci bəndinə uyğun olaraq ”Azərbaycan idmançılarının olimpiya oyunlarında, dünya və Avropa birinciliklərində qazandıqları qələbələr” mövzusunda məktəbin fiziki tərbiyə müəllimi Firuzə Xudiyeva rəhbəri olduğu 9 “C” sinfində “Dəyirmi masa” keçirtdi. Şagirdlər öz çıxışlarında Olimpiya oyunlarının yaranma tarixi haqqında ətraflı məlumat verdilər, bu yarışlarda iştirak edən idmançılarımızın qazandıqları qələbələrdən danışdılar və maraqlı videoçarxlar nümayiş elədilər.
