“Vətənin qəhraman oğulları” mövzusunda “Təşkilat saatı”
“Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında” Təhsil Nazirliyinin 2019-cu il üçün Fəaliyyət Planı əsasında hazırlanmış birgə İş Planının 3.1.5.-ci bəndinə uyğun olaraq məktəbin riyaziyyat müəllimi Mehriban Musayeva rəhbəri olduğu 6 “E” sinfində “Vətənin qəhraman oğulları” mövzusunda “Təşkilat saatı” keçirtdi. Qruplar şəklində qurulmuş “Təşkilat saatı” da ayrı-ayrı Milli Qəhrəmanları təmsil edən şagirdlər onların həyat və fəaliyyətini əks etdirən divar qəzetləri təqdim etdilər. Təmsil etdikləri qəhrəmanlar haqqında şeirlər, təqdimatlarla çıxış edən uşaqlar vurğuladılar ki, bu qəhrəmanlar bizim həyat örnəyimiz, əbədi and yerimizdir.
