"Həmrəylik-birlikdir”
31 Dekabr Dünya Azərbaycanlılarının Həmrəylik Günü ilə bağlı məktəbimizdə müxtəlif tədbirlər keçirilir.Belə tədbirlərdən biri də XId sinfində "Həmrəylik-birlikdir” mövzusunda keçirilən təşkilat saatıdır.Azərbaycan dili və ədəbiyyat müəllimi Zərövşən Qafarova bu günün yaranma tarixi, məhz Ulu Öndər tərəfindən rəsmiləşdirilməsi haqqında məlumat verdi. "Həmrəylik nədir? Xalqımızın həmrəyliyi nəyin qarantıdır?” və sair suallar ətrafında fikir mübadiləsi apardılar. Şagirdlər sonda harda olmağımızdan aslı olmayaraq Azərbaycan deyilən məmləkətin adını ucaltmağı,bu adın dünyada ən mədəni və gözəl ölkələrdən biri olduğunu sübut etməyə çalışacaqlarını vurğuladılar.
