“Ana dilim-Varlığımın rəmzidir”adlı "Dəyirmi masa"
Məktəbin Azərbaycan dili və ədəbiyyat müəllimi Nərmin Novruzlunun təşkilatçılığı və 5e sinif şagirdlərinin iştirakı ilə "Beynəlxalq Ana Dili Günü"nə həsr olunmuş “Ana dilim-Varlığımın rəmzidir”adlı "Dəyirmi masa" təşkil olundu.
Azərbaycançılıq ideaları, milli mənəvi dəyərləri təbliğ etmək ana dilinə məhəbbət hissi aşılamaq məqsədi ilə Beynəlxalq Ana Dili Gününə həsr olunmuş tədbirdə dilin qorunması və onun gələcək nəsillərə ötürülməsinin vacibliyini əks etdirən qısa səhnəciklər təqdim edildi. İstedadlı şagirdlərin Səməd Vurğunun “Vaqif“dramından hazırlanmış səhnəsi insanın ürəyini titrədirdi. Şagirdlər ana dilinin gözəlliyini və gücünü nümayiş etdirmək üçün şairlərin şeirlərini səsləndirdilər, mahnılar ifa etdilər.
Daha sonra ana dilinin tarixini və inkişafını göstərən video çarxlar nümayiş etdirildi. Bu, şagirdlərə dilin keçmişdən bu günə qədər necə inkişaf etdiyini, onun qorunmasının nə qədər vacib olduğunu anlatmağa kömək edir.
