“Ulu öndər Heydər Əliyevin 100 illik yubileyi”nə həsr olunmuş "Təşkilat saatı"
Bu gün 3 c sinfində “Ulu öndər Heydər Əliyevin 100 illik yubileyi”nə həsr olunmuş "Təşkilat saatı" keçirildi. Şagirdlər hazırladıqları şəkillər və plakatlar qarşısında Ümummilli liderə həsr olunmuş şeirlər söylədilər. Ulu öndərin gözəl kəlamlarını həvəslə deyib onunla fəxr etdiklərini dilə gətirdilər. Sinif rəhbəri Aygün Nəcəfova şagirdlərə Heydər Əliyevin həyat və fəaliyyəti haqqında məlumat verdi.Ümummilli lider Azərbaycan xalqı və onun təhsili üçün böyük işlər görmüşdür. Uşaqların gələcəyi, təhsili və müəllim haqqında dəyərli fikirlər söyləyən Heydər Əliyev şəxsiyyətinin Azərbaycanın keçmişi və gələcəyinin qurulmasında misilsiz xidmətləri var.
Körpə fidanlar söz verdilər ki, Ulu öndərin xatirəsini həmişə yad edəcək, ona layiq olmağa çalışacaqlar.
