Səmərəli vaxtın dəyəri
Teatr sənəti canlı olmağı ilə digər incəsənət növlərindən fərqlənir. Tamaşaçı ilə birbaşa təmas, real görüş bu sənətin özəlliyi və gözəlliyidir. Bu gözəlliyi yaxından duymaq, sənət fədailəri ilə tanış olmaq üçün Azərbaycan dili və ədəbiyyat müəllimi Zərövşən Qafarova və bir qrup teatrsevər şagird Gənc Tamaşaçılar Teatrına H. Cavidin ”Ana”, əsərinin tamaşasına getdilər. Şagirdlərin sinifdən xarici məşğulluqlarını səmərəli keçirmək üçün seçilən yollar onların ləyaqətli və vicdanlı böyüməsinə, eyni zamanda əsl vətəndaş kimi yetişməsinə zəmin yaradır.
