Ulu öndər Heydər Əliyevin anım gününə həsr olunmuş inşa müsabiqəsi
Dekabrın 12-si xalqımızın ümummilli lideri, ulu öndər Heydər Əliyevin anım günüdür. Heydər Əliyevin sarsılmaz polad iradəsi və qətiyyəti, xalqın tərəqqisi yolunda yorulmaq bilmədən çalışması, fədakar əməyi sayəsində müasir Azərbaycanın bünövrəsi qoyulub. Bəli, o, bütün ömrünü Azərbaycanın işıqlı gələcəyinə həsr etmişdir. İndi gündən-günə daha da güclənən, inkişaf edən müstəqil Azərbaycan dövlətinin qazandığı hər bir uğur Heydər Əliyevin ömrünün davamıdır. Heydər Əliyev adı Azərbaycanın simvolu kimi səslənən elə parlaq simadır ki, onun işıqlı ideyaları daima yaşayacaqdır. Məktəbin Azərbaycan dili və ədəbiyyat metodbirləşmə sədri Xalidə Sadıqovanın təşkilatçılığı ilə 9.12. 2022-ci il tarixində Heydər Əliyevin "Anım günü" ilə əlaqədar məktəblilər arasında inşa müsabiqəsi keçirildi.
