S.Sani Axundovun "Qorxulu nağıllar" hekayələrinin müzakirəsi
Xeyirxahlıq, nəciblik, alicanablıq, yardımsevərlik insana xas olan ən gözəl keyfiyyətlərdir. Bu kefiyyərləri şagirdlərə aşılamaqda kitabların, mütaliənin rolu böyükdür. Bu gün məktəbimizin Azərbaycan dili və ədəbiyyat müəllimi Xalidə Sadıqovanın rəhbərliyi ilə 7ç sinfinin şagirdləri S.Sani Axundovun "Qorxulu nağıllar" hekayələrinin müzakirəsi keçirdilər. Hekayələrdə təsvir olunan hər cür hadisə, ən xırda detal şagirdlərin diqqətindən yayınmadı. Onlar hekayə qəhrəmanlarının faciəli həyatının səbəblərini araşdıraraq bir daha qeyd etdilər ki, hər uşağın sirli- sehirli bir dünyası var. Onlara həssas yanaşmaq, gözəl vərdişlər aşılamaq lazımdır. Çünki uşaqlara qayğı cəmiyyətin gələcəyinə qayğıdır.
