“Kitab - aldatmayan dost” mövzusunda “Dəyirmi masa”
Kitab xəzinəsindən dür qoparmaq, dünyanı bütün gözəllikləri ilə dərk etmək böyük hünərdir. Bu hünərə sahib olmaq üçün kitabla dostluq mütləqdir. Azərbaycan dili və ədəbiyyat müəllimi Zərövşən Qafarova 7d-nin kitabsevərləri ilə “Kitab - aldatmayan dost” mövzusunda “Dəyirmi masa” təşkil etdi. Böyük həvəslə kitab sərgisi təşkil edən uşaqlar, eyni zamanda maraqlı divar qəzetləri ilə kitaba sevgilərini ifadə etməyə çalışdılar. Kitabla dost olmağın vacibliyini vurğulayan uşaqlar bildirdilər ki, kitab oxumaq bizi tənhalıqdan, təklikdən qorumaqla yanaşı, cəmiyyətə uyğunlaşmağımızı da formalaşdırır.
