"Qarabağın coğrafiyası" adlı onlayn dərs
Azərbaycan Respublikası Təhsil Nazirliyinin 16.11.2020-ci il F-512 nömrəli əmri ilə təsdiq olunmuş "Azərbaycan xalqının tarixi qələbəsinin tədrisdə əks etdirilməsi haqqında" Fəaliyyət planına uyğun olaraq məktəbin 7"e" sinfində coğrafiya müəllimi Gülşən Zamanovanın rəhbərliyi ilə "Qarabağın coğrafiyası" adlı onlayn dərs keçirildi. Dərsdə şagirdlərə Yuxarı Qarabağ və Kəlbəcər -Laçın iqtisadi-coğrafi rayonuna daxil olan inzibati rayonların coğrafiyası haqqında məlumat verildi. Şagirdlər Qarabağın füsunkar təbiəti, zəngin təbii ehtiyatları haqqında hazırladıqları təqdimatlarla çıxış etdilər.
