"Haray çəkən əcdadlar"
Bədii ədəbiyyat həyati hadisələri ilmələrə düzdükcə, geniş oxucu marağına səbəb olur. Amma bu ilmələri düzəndən xüsusi məharət tələb olunur. Bu tələblərə cavab verən sənətkarlardan olan Cek London bu dəfə 5 “D” sinfinin ədəbiyyat bilicilərinin diqqət mərkəzinə çevrildi. Azərbaycan dili və ədəbiyyat müəllimi Zərövşən Qafarova balaca ədəbiyyatçılarla C.Londonun “ Əcdadların harayı “, “ Həyat eşqi “ əsərlərini müzakirə etdilər. “Dəyirmi masa” da xüsusi fəallıq göstərən şagirdlər hər iki əsərdə həyatın və yaşamağın sevimliyini göstərən səhnələrin ürək ağrısı ilə oxunduğunu bildirdilər və belə qənaətə gəldilər ki, həyat mübarizə meydanıdır. Bu meydanda qələbə qazanmaq istəyən mətanətli, dözümlü, iradəli olmalıdır.
