“Canlı kitabxana” nın oxucuları
“Azərbaycan Gəncliyi Dövlət Proqramı “ nın 5.10.1 yarımbəndinin icrası məqsədi ilə yanvarın 14-də Suraxanı rayon Heydər Əliyev Mərkəzində “Canlı kitabxana” intelektual oyunu keçirildi.
Uşaqların bədii söz sənətinə marağını artırmaq, oxuduğu əsərin məzmununu oxucuya çatdırmaq bacarığını yoxlamaq üçün keçirilən intelektual oyunda məktəbimizi 8 ”F” sinif şagirdi Rəqsanə Ağazadə təmsil etmişdir. O, C.Cabbarlının “ Solğun çiçəklər ” əsəri ilə yarışa qatılmışdır. Gözəl nitqi, dolğun fikirləri ilə oxucu kütləsini maraqlandıran təmsilçimiz Fəxri Fərmana layiq görülmüşdür. Oxucularımız Validə Zülfüqarlı və Zəhra Fərəcova isə Ə.Məmmədxanlının “ Buz heykə l”, R.N.Güntəkinin “ Çalıquşu ” əsərlərini dinləmişdilər. Beləliklə, bu cür yarışmaların keçirilməsi gənc nəslin bədii təfəkkürünün formalaşmasına xidmət edir.
