“ Gəlin tanış olaq ” müsabiqəsinin qalibi
Bu günlərdə təhsilalanların milli ideologiyamız olan azərbaycançılıq məfkurəsi əsasında tərbiyə edilməsi, milli-mənəvi dəyərlərə sadiq ruhda, yerli vətəndaşlıq mövqeyini dərk edərək hərtərəfli şəxsiyyət kimi böyüməsini təmin etmək məqsədilə Bakı Şəhəri üzrə Təhsil İdarəsi “ Gəlin tanış olaq ” (Yaşadıqları ərazinin, qəsəbənin maddi-mənəvi irsi, dəyərləri, etnoqrafiyası, tarixi, mədəniyyət abidələri, elm xadimləri, görkəmli şəxsiyyətləri və s.) müsabiqəsi keçirilmişdir.
281 nömrəli tam orta məktəbin 9 “D” sinif şagirdi Aydın Rəhimli ilk turu uğurla keçərək yarışmanın final mərhələsində iştirak etmişdir. Bakı şəhəri üzrə 200-dən çox məktəbin iştirak etdiyi bu müsabiqədə Aydın Rəhimli 2-ci yeri tutaraq qalib olmuşdur.
Məktəb rəhbərliyi adından Aydını təbrik edir, daha böyük uğurlar arzulayırıq.
