Şagirdlərimiz Olimpiya stadionunda
04.02.2019-cu il tarixində məktəbimizin VIII B və VIII C sinif şagirdləri UBT rəhbəri Abbasxanova Nərmin və sinif rəhbərləri Aslanova Bahar, İsmayılova Xəyalənin iştirakı ilə Bakı Olimpiya stadionunda oldular. Tədbir Sabunçu rayonunda yerləşən Olimpiya stadionunun mətbuat mərkəzi tərəfindən təşkil olunmuşdu. Olimpiya stadionunun mətbuat mərkəzi katibinin müavini Fərid Əsədzadə şagirdlərə stadionla bağlı ətraflı məlumat verdi. Stadionun tikilməsi, müasir avadanlıqlarla təchiz olunması haqqında şagirdlərə vide-rolik göstərildi. Bu il may ayının 29-da stadionda keçiriləcək futbol üzrə Avropa çempionatı ilə bağlı şagirdlərə məlumat verildi. Olimpiya stadionunda müxtəlif idman növləri üzrə idman zallarına baxış keçirildi. Tədbirin sonunda Fərid Əsədzadə şagirdləri maraqlandıran sualları cavablandırdı.
