28 №-Lİ TAM ORTA MƏKTƏB

Dərsdinləmə, müəllimin bir təhsil müəssisəsində şagirdlərlə ünsiyyətini və tədris prosesində fəaliyyətini izləmək və qiymətləndirmək üçün edilən yoxlamadır. Dərsdinləmə müəllimin tədris müvəffəqiyyətini qiymətləndirməklə yanaşı bacarıqlarının inkişaf etdirilməsi, yenilik və dəyişikliklərin təbliği, peşəkar kömək etmə, çatışmazlıq və səhvlərin aşkar edilərək aradan qaldırılması və tədrisin inkişaf etdirilməsi məqsədi daşıyır. Hyman’a görə, dərsdinləmənin altı məqsədi var. 

 Məktəbin Fəaliyyət Planına əsasən Fizika aylığında dərsdinləmələr müşahidə olunur. Bütün siniflərdə əvvəlcədən şagirdlərə 10 sual verilir.10 gün sonra verilmiş sualları əhatə edən monitorinqlər aparılır, hesabatlar verilir və aylığa rəhbərlik səviyyəsində qiymət verilir.

Elm və Təhsil Nazirliyi ilə MÜTDA arasında bağlanmış əməkdaşlıq müqaviləsinə əsasən, məktəblilərin asudə vaxtının səmərəli təşkili və Heydər Əliyev irsinin dərindən öyrənilməsi məqsədilə Heydər Əliyev Mərkəzinə interaktiv ekskursiyalar təşkil olunur. Bu çərçivədə 13 oktyabr tarixində məktəbimizin 8E və 8C sinifləri, sinif rəhbərləri Leyla Cəfərova və Zəhra Qəribova, həmçinin təşkilatçı müavin Xəyalə Oruclunun rəhbərliyi ilə ümumilikdə 60 şagirdin iştirakı ilə Heydər Əliyev Mərkəzinə maraqlı və maarifləndirici ekskursiya həyata keçirilib.

Bakı şəhəri Sabunçu rayonu 28 nömrəli tam orta məktəbin şagirdləri Jasur İdman Liqasının Şəhid baş leytenant qərərgah rəisi Ramiq Mikayılovun xatirəsinə həsr olunmuş MMA və Grappling idman növü üzrə yeniyetmələr və gənclər arasında keçirilən açıq birincilik yarışında böyük uğur əldə ediblər.

Yarışda məktəbimizin şagirdlərindən:

• Əli Səfərli I yer 
• İlknur Məhərrəmov I yer
• Asif Gözəlov  I yer
• Fərid Mahmudov  I yer
• Samirə Qasımova  I yer 
• Nahid Nurullayev  II yer laiq görülüblər
  Şagirdlərimizi ürəkdən təbrik edir və onlara gələcək idman fəaliyyətlərində daha böyük uğurlar arzu edirik!

Bakı şəhər Sabunçu rayonu 28 nömrəli tam orta məktəbin şagirdi Yusifzadə İsmayıl, Modera İdman Klubunun təşkil etdiyi açıq birincilik yarışında kiçik yaşlı yeniyetmələr arasında 34 kq çəkidə  1-ci yeri qazanaraq diplom və medalla təltif edilmişdir.

Şagirdimizin bu uğuru həm məktəbimiz, həm də onun gələcək inkişafı üçün böyük bir nailiyyətdir. Bu qələbə, İsmayılın təhsil və idman sahələrində göstərdiyi əzmin və zəhmətin bariz nümunəsidir. Ona gələcək fəaliyyətlərində də uğurlar arzulayır, həm təhsildə, həm də idmanda yeni zirvələr fəth etməsini diləyirik.

Bu uğuru qeyd edərək, bütün şagirdlərimizi həm akademik, həm də idman sahəsində fəal olmağa, müvəffəqiyyətlərə nail olmağa səsləyirik. Şagirdimizi bir daha təbrik edirik!

Bakı şəhər Sabunçu rayonunda yerləşən 28 nömrəli tam orta məktəbin rəhbərliyi şagirdlərin təhlükəsizliyinin təmin olunması məqsədilə önəmli tədbirlər həyata keçirməyə davam edir. Bu istiqamətdə məktəb rəhbərliyi IX sinif şagirdlərinin valideynləri üçün xüsusi iclaslar təşkil edir.

İclasların əsas məqsədi məktəbdə və məktəbə yaxın ərazilərdə şagirdlərin təhlükəsizliyi ilə bağlı məsələləri müzakirə etmək, valideynləri bu barədə məlumatlandırmaq və onların rəy və təkliflərini dinləməkdir. Təhlükəsizlik qaydalarının düzgün şəkildə tətbiqi, şagirdlərin məktəb daxilində və xaricində nizam-intizamının qorunması kimi mövzular iclasların diqqət mərkəzində olacaq.

Məktəb rəhbərliyi, şagird təhlükəsizliyinin yalnız məktəb kollektivinin deyil, həm də valideynlərin birgə səyi ilə qorunmasının vacibliyini vurğulayaraq, valideynlərin təklif və şərhlərinə hər zaman açıq olduğunu bildirir. Məktəbin direktoru iclaslarda iştirakın valideyn-şagird-məktəb əməkdaşlığının möhkəmləndirilməsi baxımından vacib olduğunu qeyd edib.

Şagirdlərin gələcək inkişafı və rifahı üçün təhlükəsiz bir mühitin yaradılması məktəb rəhbərliyinin prioritetlərindən biridir. Bu səbəbdən, belə iclasların davamlı olaraq keçirilməsi nəzərdə tutulur.

Valideynlərə məktəb rəhbərliyinə göstərdikləri dəstəyə görə təşəkkür edir və hamını övladlarının təhlükəsizliyi ilə bağlı tədbirlərdə fəal iştirak etməyə çağırırıq.