Fövqəladə Hallar Nazirliyinin Dövlət Yanğın Nəzarəti Xidmətinin əməkdaşları məktəbimizin qonağı olublar
Bakı Regional Mərkəzinin Mülki Müdafiə İdarəsinin Sabunçu rayonu üzrə Fövqəladə Hallar və Mülki Müdafiə şöbəsinin baş zabiti, kapitan Sərxan Həsənov və Fövqəladə Hallar Nazirliyinin Dövlət Yanğın Nəzarəti Xidmətinin Yanğına qarşı təbliğat şöbəsinin böyük təlimatçısı Nizami Fərəcov məktəbimizin qonaqları olublar. Tədbirlərdə “Dəm qazı təhlükəsi”, “Məişətdə yanğın təhlükəsizliyi”, “112 qaynar xəttinə nə vaxt zəng etməli?” və “Odsöndürənlərdən istifadə qaydası” mövzularında çıxışlar edilib. Həmçinin həmin müəssisələrdə yanğın təhlükəsizliyi qaydaları haqqında ətraflı məlumat verilib.
Bundan əlavə, ərazinin daim təmiz saxlanmasının, normativ sənədlərə uyğun ilkin yanğınsöndürmə vasitələri ilə təmin edilməsinin və yanğın zamanı insanların binadan təhlükəsiz şəkildə köçürülməsi planlarının hazırlanmasının vacibliyi vurğulanıb. İlkin yanğınsöndürmə vasitələrindən istifadə qaydaları da əyani şəkildə nümayiş etdirilib.
