"Heydər Əliyev və Azərbaycan mədəniyyəti" adlı tədbir
Bakı şəhəri 28 nömrəli tam orta məktəbdə 13 aprel tarixində "Heydər Əliyev və Azərbaycan mədəniyyəti" adlı tədbir keçirildi. Tədbirə Azərbaycan Dram Teatrının taninmış aktyor və aktrisalari dəvət olunmuşdu. Şagirdlərimizin çıxışında Ulu Öndər Heydər Əliyevin ən sevdiyi tamaşalardan müəyyən hissələr canlandırıldı. C.Məmmədquluzadənin "Ölülər","Anamın kitabı ", C.Cabbarlının "Oqtay Eloğlu " əsərlərindən kompozisiyalar təşkil olundu. Azərbaycan teatrının əhəmiyyəti haqqında şagirdlərə məlumat verildi. Heydər Əliyevin teatr sənətinə göstərdiyi diqqətdən və qayğıdan danışıldı.
